Postpaid နှင့် FTTH ၀န်ဆောင်မှု အမျိုးအစားအားလုံး၏ လစဉ်ကျသင့်ငွေတောင်းခံလွှာ နှင့် ကနဦ: ငွေတောင်းခံလွှာ (OTI)များအား MPT Pay ကိုအသုံးပြုပြီး  ငွေပေးဆောင်နိုင်သော ဝန်ဆောင်မှု အသစ်ဖြစ်ပါသည်။

MPT Postpaid Service (PSTN, ADSL, GSM, CDMA, IPStar) နှင့်  FTTH ဝန်ဆောင်မှု အမျိုးအစားအားလုံး၏ လစဥ်ငွေတောင်းခံလွှာ နှင့် OTI ငွေတောင်းခံလွှာများကို ပေးဆောင်နိုင်ပါသည်။

• MPT Pay အပလီကေးရှင်းအသုံးပြုပြီး Postpaid လစဉ်ကျသင့်ငွေတောင်းခံလွှာ နှင့် OTI ငွေတောင်းခံလွှာများကို လွယ်ကူစွာပေးချေနိုင်ပါသည်။
• MPT Pay agent သို့မဟုတ် MPT Pay user အကောင့်များမှ Postpaid လစဉ်ကျသင့်ငွေတောင်းခံလွှာ နှင့် OTI ငွေတောင်းခံလွှာများအတွက် ငွေပေးချေမှုကို ပြုလုပ်နိုင်ပါသည်။
• ဒီဂျစ်တယ်ငွေပေးချေမှုသည် သုံးစွဲသူများအတွက် အချိန်ကုန်သက်သာပြီ: လွယ်ကူလျင်မြန်စေသော ၀န်ဆောင်မှုဖြစ်ပါသည်။

• MPT, Telenor, Ooredoo နှင့် MyTel မည်သည့် ဆင်းကဒ်သုံးစွဲသူမဆို MPT Pay ကိုအသုံးပြုနိုင်ပါတယ်။ မှတ်ပုံတင်ကြေးကတော့အခမဲ့ပါ။

  အသေးစိတ်ကို  https://www.mptmoney.com.mm/ တွင်၀င်ရောက် ကြည့်ရှုနိုင်ပါသည်။

  MPT Pay စာရင်းပေးသွင်းရန်လမ်းညွှန် >>>>>Click here

  Postpaid Service နှင့် FTTH ဝန်ဆောင်မှုအားလုံး၏ နောက်ဆုံးထွက်ရှိထားသော လစဉ်ငွေတောင်းခံလွှာများကို E-invoice ဖြင့် SMS မှ တစ်ဆင့် ရယူလိုပါက *260# သို့ ဖုန်းခေါ်ဆိုကာ ငွေစာရင်းအမှတ် ထည့်သွင်း၍ ရယူနိုင်ပါသည်။

  ထပ်ဆောင်းဝန်ဆောင်ခ ပေးဆောင်ရန် မလိုပါ။

ဆားဗစ် ရယူရန် ပိုမို သိရှိရန်

MPT Pay ဆိုသည်မှာ မြန်မာပြည်အတွင်း အချိန်မရွေး နေရာမရွေး ငွေလွှဲပို့နိုင်သော ဝန်ဆောင်မှုဖြစ်ပါတယ်။ အသုံးပြုသူတွေ အနေနဲ့ အကောင့်အတွင်း ငွေသိမ်းဆည်းခြင်း၊ ငွေလွှဲခြင်း၊ ငွေလက်ခံခြင်းများကို MPT Pay အကောင့်မှတဆင့် ပြုလုပ်နိုင်ပါတယ်။ MPT Pay application အကြောင်းပိုမို သိရှိလိုပါက https://mptmoney.com.mm/  တွင်၀င်ရောက်ကြည့်ရှုနိုင်ပြီ: MPT Pay application ကိုလည်း Download ရယူနိုင်ပါသည်။

MPT Pay အသုံးပြုရန် User (သို့) Merchant (သို့) Agent အကောင့်များ ဖွင့်ပြီ: ငွေပေးချေမှုကို လမ်းညွှန်ချက်အတိုင်း လုပ်ဆောင်နိုင်ပါသည်။

MPT Pay သုံးစွဲသူ အကောင့်ကို မည့်သည့် မိုဘိုင်း ဖုန်းနံပါတ်မဆို စာရင်းသွင်းနိုင်ပါသည်။ Merchant (သို့) Agent အသုံးပြုသူများသည် MPT mobile SIM ဖြင့်သာ စာရင်းပေးသွင်းနိုင်ပါသည်။ စားရင်းသွင်းရန် ၀န်ဆောင်ခ ထပ်ဆောင်းပေးဆောင်ရန် မလိုပါ။

(၁) MPT Pay ၏ User အကောင့် အသုံးပြုပြီ: ငွေပေးချေမည်ဆိုလျှင် mobile number (09XXXXXXXXX) နှင့် password ကိုရိုက်နိုပ်ပြီ: user application ထဲသို့၀င်ပါ။ Agent အကောင့် အသုံးပြုပြီ: ငွေပေးချေမည်ဆိုလျှင် user name ၊ password နှင့် short code ကိုရိုက်နိုပ်ပြီ: agent application ထဲသို့၀င်ပါ

(၂) Home menu မှ “MPT ဘေလ်များ” ကို နှိပ်ပါ။

(၃) “Account Code”, “Invoice Number” နှင့် ပေးဆောင်မည့် ငွေပမာဏ “Amount” ရိုက်ထည့်ပါ (သို့) လစဥ်ဘေလ်တွင် ပါ၀င်သော QR code     ကို QR scan ဖတ်ပြီး “Account Code” နှင့် “Invoice Number” ကို အလိုအလျောက်ဖြည့်ပြီး ပေးဆောင်မည့် ငွေပမာဏ “Amount” ရိုက်ထည့်ပါ။

(၄) အချက်အလက်များကို စစ်ဆေးပြီး မှန်ကန်ပါက ဆက်လက်လုပ်ဆောင်ရန် “Proceed”  ကို နှိပ်ပါ။

(၅) MPT Pay မှ ငွေပေးချေမှု အောင်မြင်ကြောင်း ကို “Success/ Failed” status နှင့်တကွ ဖြည့်သွင်းထားသော အချက်အလက်များကို ပြပေးပါမည်။ ငွေပေးချေမှုအတွက် Postpaid နှင့် FTTH services ကို စာရင်းသွင်းပြီ: အတည်ပြုထားသော မိုဘိုင်းဖုန်းထံသို့  SMS ရရှိပါလိမ့်မည်။

အထက်ပါ နံပါတ် ၇ အချက်အလက်အတိုင်း ငွေပေးချေမှုကို လုပ်ဆောင်နိုင်ပါသည်။ ကနဦ: ငွေတောင်းခံလွှာ (OTI)များကို ပေးဆောင်လျှင် ကျသင့်ငွေကို အပြည့်အ၀ပေးချေရပါမည် သို့မဟုတ်ပါက MPT Pay မှ “Failed” ဟု status ပြပြီး အပြည့်အ၀ပေးဆောင်ရန်အတွက် ကျသင့်ငွေပါ ပြပေးပါမည်။

MPT Pay မှ ငွေပေးဆောင်မှုအချက်အလက် စစ်ဆေးပြီးပါက “Success/ Failed” လို့ပြပေးပါမည်။ ငွေပေးချေမှု အောင်မြင်ပါက MPT မှ ငွေလက်ခံရရှိကြောင်း SMS ပေးပို့သွားမည်ဖြစ်ပါသည်။

MPT Pay call center (990 or 01-2323990) ကို ဖုန်းခေါ်ဆိုပြီ: မိမိ လက်ခံရရှိသော SMS ကို ပြသပါ။

MPT Pay call center (990 or 01-2323990) သို့ ဖုန်းခေါ်ဆို၍ လည်းကောင်း၊ နီးစပ်ရာ MPT ၏ ငွေလက်ခံကောင်တာများ TRA တွင် လည်းကောင်း စုံစမ်းမေးမြန်းနိုင်ပါသည်။ MPT Pay application ၏ “Transaction History (လုပ်ဆောင်ချက် မှတ်တမ်း)” မှတဆင့် မိမိငွေပေးချေခဲ့သည့် ရက်ဖြင့်လည်း ရှာဖွေကြည့်ရှုနိုင်ပါသည်။

106 သို့ ဖုန်းခေါ်ဆို၍ လည်းကောင်း၊ နီးစပ်ရာ MPT ၏ ငွေလက်ခံကောင်တာများ TRA တွင် လည်းကောင်း စုံစမ်းမေးမြန်းနိုင်ပါသည်။

ကိုယ်စား ပေးဆောင်နိုင်ပါသည်။ ငွေပေးချေမည့် ဝန်ဆောင်မှု နံပါတ်၏ အချက်အလက်များ ဥပမာ- ငွေတောင်းခံလွှာအမှတ်၊ ငွေစာရင်းအမှတ်၊ ပေးဆောင်မည့် ငွေပမာဏ စသည်တို့ လိုအပ်ပါသည်။

ဤငွေပေးချေမှုသည် အချိန် ကန့်သတ်ထားခြင်း မရှိပါ။ လွယ်ကူမြန်ဆန်ပြီး အချိန်ကုန်သက်သာစေသော အွန်လိုင်း ၀န်ဆောင်မှုဖြစ်ပါသည်။

ပေးရန်ကျန်ရှိသော ကြွေးကျန်များ အားလုံးကို ပေးသွင်းပြီးပါက ၂ရက်မှ ၃ရက် (အလုပ်လုပ်ရက်) အတွင်း ဖြတ်တောက်ထားသော လိုင်းကို ပြန်လည် ဖွင့်ပေးမည် ဖြစ်ပါသည်။

သင့်ငွေပေးချေမှုကို အပြည့်အ၀ ငွေပေးချေမှု ရှိ မရှိ စစ်ဆေးပါ။ ငွေတောင်းခံလွှာအတိုင်း အပြည့်အ၀ ပေးချေပြီးနောက် လိုင်းပြန်လည် အသုံးပြုနိုင်ပါလိမ့်မည်။

မည်သည့် အကြောင်းအရာဖြင့်မဆို လိုင်းယာယီပိတ်ထားသော်လည်း ယခု ငွေပေးချေမှုနည်းလမ်း အပါအဝင်  ယခင်ချယ်နယ် အားလုံးမှ ငွေပေးချေနိုင်ပါသည်။ ငွေပေးချေမှု ပြီးစီးပါက လိုင်းအလိုအလျောက် ပြန်လည်အသုံးပြုနိုင်မည် ဖြစ်ပြီး ချွင်းချက် အနေဖြင့် မိမိဆန္ဒဖြင့် ယာယီပိတ် လျောက်ထားသော လိုင်းများအနေဖြင့် MPT ကော်မာရှယ် ရုံးများတွင် လိုင်းပြန်လည်ဖွင့်လှစ်ရန် လျောက်ထားရမည် ဖြစ်သည်။

မည်သည့် အကြောင်းအရာဖြင့် ဖြစ်စေ လိုင်းအပြီး ပိတ်သိမ်းထားသော်လည်း ငွေပေးချေလိုပါက ယခု ငွေပေးချေမှု နည်းလမ်းအသစ် အပြင် ယခင်ချယ်နယ် အားလုံးမှ ပေးချေနိုင်ပါသည်။ သို့သော် အပြီးပိတ်လိုင်းများအား ပြန်လည် အသုံးပြုလိုပါက MPT ကော်မာရှယ် ရုံးများသို့ သွားရောက် လျောက်ထားရန် လိုအပ်ပါသည်။

ငွေတောင်းခံလွှာပမာဏထက် ပိုမိုပေးဆောင်ပါက ပိုနေသော ငွေပမာဏအား သုံးစွသူ၏ ငွေစာရင်းအဖြစ် သတ်မှတ်ပေးမည် ဖြစ်သည်။

-သုံးစွဲသူမှ ပေးဆောင်ရန်ကျန်ငွေ မရှိပါက သုံးစွဲသူ၏ အကောင့်တွင် ကြိုတင်ငွေအဖြစ် ထည့်သွင်းပေးသွားပါမည်။

-သုံးစွဲသူမှ အခြားငွေတောင်းခံလွှာများအတွက် ပေးဆောင်ရန်ရှိပါက ကျန်ရှိသော ငွေဖြင့် ပေးချေသွားမည် ဖြစ်ပါသည်။

MRC ငွေတောင်းခံလွှာပမာဏအောက် လျော့နည်းပြီး ငွေပေးချေပါက တစ်စိတ်တစ်ပိုင်းငွေပေးချေမှု အဖြစ် လက်ခံပါမည်။ သင့်အနေဖြင့် ပေးဆောင်ရန်ကျန်ငွေများအား အလုံးစုံ ပေးချေရန် လိုအပ်ပြီး ပေးဆောင်ရန်ကျန်ငွေပမာဏ မည်မျ နည်းသည်ဖြစ်စေ ငွေပေးချေရမည့်ရက် ကျော်လွန်ပါက လိုင်းယာယီဖြတ်တောက်မှု ခံရနိုင်ပါသည်။

ကနဦ: ငွေတောင်းခံလွှာ(OTI) ပမာဏအောက် လျော့နည်းပြီး ငွေပေးချေမှုကို MPT Pay မှတဆင့် လက်ခံမည် မဟုတ်ပါ။ သင့်အနေဖြင့် ပေးဆောင်ရန်ကျန်ငွေများအား အပြည့်အ၀ ပေးချေရန် လိုအပ်ပြီး ပေးဆောင်ရန်ကျန်ငွေပမာဏ မည်မျ နည်းသည်ဖြစ်စေ ငွေပေးချေရမည့်ရက် ကျော်လွန်ပါက လိုင်းယာယီဖြတ်တောက်မှု ခံရနိုင်ပါသည်။

ပေးသွင်းသောငွေ အားလုံးသည် ကြိုတင်ငွေ အဖြစ် သတ်မှတ်ပေးမည် ဖြစ်သည်။