ကျေးဇူးပြု၍ MPT4U သို့ USSD code *601# ဖြင့် စစ်ဆေးနိုင်ပါသည်။ အကယ်၍ စစ်ဆေး၍ မရခြင်း (သို့) အချက်အလက်များ ပြင်ဆင်၍ မရပါက Ownshop သို့ သွားရောက်နိုင်ပါသည်။

ပထမဆုံးအနေဖြင့် MPT4U နောက်ဆုံး version အား update ပြုလုပ်ထားရန် လိုအပ်ပါသည်။ ထို့နောက် နောက်တစ်ကြိမ် Register ပြုလုပ်ပါ။ အကယ်၍ မရပါက Ownshop သို့ သွားရောက်ပါ။

ထိုသို့ ပြဿနာများကို အနီးစပ်ဆုံး Ownshop များတွင် သွားရောက် စစ်ဆေးနိုင်ပါသည်။ အဆင်မပြေမှုအတွက် တောင်းပန်ပါတယ်။

ပိတ်သိမ်းမည့် အချိန်အား အတိအကျ မသိရသေးပါ။ သို့သော်လည်း မိမိ လက်ရှိအသုံးပြုနေသည့် Sim Card များအား PTD မှ ချမှတ်ထားသည့် စည်းမျဥ်းစည်းကမ်း များအတိုင်း မှန်ကန်စွာ Register ပြုလုပ်ပေးရပါမည်။

၁) ကြည်လင်ပြတ်သားသည့် မှတ်ပုံတင် ဓါတ်ပုံ၊ မှတ်ပုံတင်တွင် ပါရှိသည့် အချက်အလက်များအား သေချာစွာ ရိုက်သွင်းရပါမည်။

၂) လိပ်စာ သည် မဖြစ်မနေ ဖြည့်သွင်းရမည့် အချက်အလက် မဟုတ်ပေမဲ့ ဖြည့်စွက်ထားပါက ပိုမို ပြည့်စုံပါသည်။

ကျွန်တော်တို့ အနေဖြင့် သုံးစွဲသူ အချက်အလက် များဖြင့် PTD ၏ ညွှန်ကြားချက်များအတိုင်း မှန်ကန်စွာ မှတ်ပုံတင်ရန် အသိပေးခြင်းဖြစ်ပါသည်။ သို့မဟုတ်ပါက လူကြီးမင်းတို့ ဆင်းကဒ် ဝန်ဆောင်မှုများ ပိတ်သိမ်းခံရမည် ဖြစ်ပါသည်။ ပိတ်သိမ်းမည့် ရက်အား ထပ်မံအကြောင်းကြားပါမည်။ ထို့ကြောင့် ကျေးဇူးပြု၍ သင်၏ အချက်အလက်များဖြင့် မှတ်ပုံတင်သွင်း ထားကြပါရန် အသိပေး အကြောင်းအပ်ပါသည်။

အဆင်မပြေမှုများအတွက် တောင်းပန်ပါတယ်ခင်ဗျာ။ ယခုကာလများတွင် အလွန်အရေးကြီးနေပါသဖြင့် အဆင်မပြေမှုအတွက် အနူးအညွတ် တောင်းပန်ပါတယ် ခင်ဗျာ။

ဒါကတော့ လက်ရှိ အစိုးရ နှင့် (PTD: Post & Telecommunications Department)  က သတ်မှတ်ပေးလိုက်သည့် အချက်အလက် ဖြစ်ပြီး MPT အနေဖြင့် အစိုးရ က သတ်မှတ်ပေးသည့် စည်းမျဥ်း စည်းကမ်းများကို လိုက်နာခြင်း ဖြစ်ပါသည်။ သုံးစွဲသူများအနေဖြင့် ဆင်းကဒ်အား ဝယ်ယူပြီးပါက မိမိ အချက်အလက်များဖြင့် မှန်ကန်စွာ မှတ်ပုံတင်ရန် လိုအပ်ပါသည်။

သုံးစွဲသူသည် ၄င်း၏ အမည် နှင့်  မြန်မာနိုင်ငံ နိုင်ငံသားဥပဒေ နှင့် အညီ ထုတ်ပေးထားသည့် မှတ်ပုံတင် မူရင်း နှင့် မိတူ လိုအပ်ပါသည်။ (နိုင်ငံခြားသားများ အနေဖြင့် Passport လိုအပ်ပါသည်။)

သုံးစွဲသူများသည် * 601 # အား ခေါ်ဆို၍ မိမိ၏ အချက်အလက်များ မှန်ကန်မှုခြင်း ရှိ၊ မရှိအား စစ်ဆေးနိုင်ပါသည်။ အကယ်၍ မမှန်ကန်ပါက MPT 4U Application နှင့် care.mpt.com.mm သို့မဟုတ် မိမိတို့ မြို့နယ်များရှိ MPT Own Shop  များတွင် ပြင်ဆင်နိုင်ပြီး နိုင်ပါသည်။

MPT 4U Application အား *4040# သို့ ခေါ်ဆို၍ Download ပြုလုပ်ပါက အခမဲ့ ဖြစ်ပြီး ၄င်းအား Apple store / Google Play store များမှ Download ပြုလုပ်ပါ Data နှုန်းထားများ ကျသင့်မည် ဖြစ်ပါသည်။

မြန်မာနိုင်ငံသားစိစစ်ရေးကတ်ပြားကိုင်ဆောင်ထားသူ သုံးစွဲသူတွေအနေနဲ့ အောက်ပါအချက်တွေကြောင့် စာတို တွေရရှိနေတာဖြစ်ပါတယ်။

• မမှန်ကန်သော မှတ်ပုံတင်များအား အသုံးပြု၍ စာရင်းသွင်းထားခြင်း။
• အမည်နှင့် မှတ်ပုံတင်အမှတ် အပြည့်အစုံ ထည့်သွင်းထားသော်လည်း မှတ်ပုံတင်ဓါတ်ပုံ အရှေ့/အနောက် ပုံအား မှန်ကန်စွာ တင်သွင်းထားမှု မရှိခြင်း။
• မြန်မာဘာသာဖြင့် မှတ်ပုံတင်ထားသော်လည်း မိမိနာမည် (သို့) မှတ်ပုံတင်အမှတ်တွင် တိုင်းနှင့်ပြည်နယ် ကုဒ် ၊ မြို့နယ်ကုဒ်၊ မှတ်ပုံတင် အမျိုးအစားနှင့် မှတ်ပုံတင်နံပါတ်အား မှားယွင်းစွာ စာရင်းသွင်းထားခြင်း။
• အချက်အလက်တွေမှန်နေသော်လည်း အင်္ဂလိပ်ဘာသာဖြင့် မှတ်ပုံတင်ထားခြင်း၊

SMS တွင် ပါဝင်သည့် သတ်မှတ်ရက် မကျော်မှီ နိုင်ငံသားစိစစ်ရေးကတ်ပြားအတိုင်း MPT4U app https://bit.ly/UpdateSIMData တွင်လည်းကောင်း၊ အရောင်းဆိုင်များတွင် လည်းကောင်း (မြန်မာဘာသာဖြင့်) အမြန်ဆုံး မှန်ကန်စွာ ပြန်လည်မှတ်ပုံတင်ရန် လိုအပ်ပါသည်။

အထွက်ခေါ်ဆိုမှုနှင့် ဒေတာဝန်ဆောင်မှုများ ရပ်ဆိုင်းခံရနိုင်ရုံသာမက ဆင်းမ်ကတ်ပိတ်သိမ်းခြင်း ခံရသည်ထိ ဖြစ်နိုင်ပါသည်။

OTP ကုဒ် ဝန်ဆောင်မှု ရပ်တန့်နိုင်သောကြောင့် လူကြီးမင်း ၏ ဘဏ်ဝန်ဆောင်မှုများကို အသုံးပြုခွင့် မရနိုင်သည်ထိ ဖြစ်နိုင်ပါသည်။

မြန်မာဘာသာဖြင့် ထည့်သွင်းရန် မလိုအပ်ပါ။ Passport တွင်ပါဝင်သော အချက်အလက်များအတိုင်း အင်္ဂလိပ်ဘာသာဖြင့် မှန်ကန်စွာ ထည့်သွင်းနိုင်ပါသည်။