MPT မှ  သုံးစွဲသူများအတွက် (၇) ရက် အသုံးပြုနိုင်မည့် 500 MB ဒေတာ  လက်ဆောင်ပေးအပ်

(ရန်ကုန်၊ ၂၀၂၅ ခုနှစ်၊ အောက်တိုဘာလ ၃၁) – မြန်မာနိုင်ငံ၏ ပထမဆုံးနှင့် ဦးဆောင် ဆက်သွယ်ရေး အော်ပရေတာဖြစ်သော MPT အနေဖြင့်  SMS (စာတို) နှင့် အင်တာနက်ဝန်ဆောင်မှုများ အသုံးပြုရာ၌ အခက်အခဲအချို့ ကြုံတွေ့ခဲ့ရသော သုံးစွဲသူများအတွက် (၇) ရက် အသုံးပြုနိုင်မည့် 500MB ဒေတာလက်ဆောင် ပေးအပ်သွားမည်ဖြစ်ကြောင်း အသိပေးကြေညာအပ်ပါသည်။

အဆိုပါ အခက်အခဲကို MPT က အမြန်ဆုံးပြန်လည်ဖြေရှင်းခဲ့ပြီး ဝန်ဆောင်မှုများအား  ပုံမှန်အတိုင်း ပြန်လည်အသုံးပြုနိုင်အောင်ဆောင်ရွက်ပေးနိုင်ခဲ့ပါသည်။ သို့ဖြစ်ပါ၍ သုံးစွဲသူများ၏ သည်းခံနားလည်ပေးမှုကို ကျေးဇူးအထူးတင်ရှိသည့်အနေဖြင့်  သုံးစွဲသူများအတွက် (၇) ရက် အသုံးပြုနိုင်မည့် 500MB ဒေတာလက်ဆောင်ကို (၅ ) ရက်အတွင်း ပေးအပ်သွားမည်ဖြစ်ပါသည်။

MPT-KSGM JO ၏ စီးပွားရေးဌာနကြီးမှ အကြံပေးအရာရှိဖြစ်သူ Mr. Yoshinori YAGI က “MPT သုံးစွဲသူတွေအနေနဲ့  အဆင်မပြေမှုတွေ ဖြစ်ပေါ်ခဲ့ရတဲ့အတွက် အနှုးအညွတ် တောင်းပန်လိုက်ရပါတယ်။ သုံးစွဲသူတွေရဲ့ သည်းခံနားလည်ပေးမှု အတွက် လည်း ကျေးဇူးအထူးတင်ရှိပါတယ်။ MPT အနေနဲ့ မြန်မာနိုင်ငံအနှံ့ ပိုမိုကောင်းမွန်တဲ့ ဆက်သွယ်ရေးဝန်ဆောင်မှုတွေ ပေးအပ်သွားနိုင်ဖို့အတွက် စဉ်ဆက်မပြတ် ဆက်လက်ကြိုးပမ်း ဆောင်ရွက်သွားမှာပဲဖြစ်ပါတယ်။”ဟု ပြောကြားပါသည်။