မြန်မာနိုင်ငံ၏ ဦးဆောင်ဆက်သွယ်ရေးအော်ပရေတာဖြစ်သည့် MPT က နိုင်ငံအဝှမ်းတွင် ဒစ်ဂျစ်တယ်နည်းပညာတတ်သိနားလည်မှုအတွက် ခြားနားချက်များကို ကူညီဖြည့်ဆည်း ပေးနိုင်ရန်အတွက် မြန်မာတစ်နိုင်ငံလုံးတွင် MPT telecenter ပေါင်း ၄၀ ကို စတင် ဖွင့်လှစ်လိုက်ပြီ ဖြစ်ကြောင်း ဝမ်းမြောက်စွာဖြင့် ထုတ်ပြန်ကြေညာလိုက်ပါသည်။ မြန်မာနိုင်ငံအတွင်းရှိ ပြည်နယ်နှင့် တိုင်းဒေသကြီးများတွင် ဖွင့်လှစ်လိုက်သော အဆိုပါ MPT telecenter များမှတစ်ဆင့် သက်ဆိုင်ရာ လူမှုဝန်းကျင်တွင် အကျိုးကျေးဇူး ဖြစ်ထွန်းနိုင်မည့် ကျယ်ပြန့်သော သတင်းအချက်အလက်များစွာနှင့် ဆက်သွယ်ရေးဆိုင်ရာ ဝန်ဆောင်မှုများကို လက်လှမ်းမီ ကာအသုံးပြုနိုင်မည် ဖြစ်သည်။

MPT သည် ဘေးကင်းကာ တာဝန်ယူမှုရှိသည့် အင်တာနက် အသုံးပြုပုံနည်းလမ်းများ အပါအဝင် ကွန်ပျူတာနှင့် တက်ဘလက်တို့ကို အသုံးပြုခြင်းအတွက် နည်းလမ်းများ စသည်တို့ကိုလည်း အများပြည်သူသို့ လမ်းညွှန်ပေးခြင်းဖြင့် အထောက်အကူ ပေးသွားမည်ဖြစ်သည်။

MPT အနေဖြင့် နိုင်ငံတစ်ဝန်းရှိ MPT telecenter များတွင် မိုဘိုင်းလ် ဆက်သွယ်ရေးကိရိယာများဖြင့် ဝိုင်ဖိုင်စနစ်ကို အခမဲ့အသုံးပြုခွင့် ပေးသွားမည့်အပြင် လက်ပ်တော့များနှင့် တက်ဘလက်များ ကိုလည်း အခမဲ့အသုံးပြုနိုင်ရန် ပံ့ပိုးပေးထားမည် ဖြစ်သည်။ အဆိုပါ ကိရိယာများသည် မြန်မာပြည်သူများ အလွယ်တကူ အသုံးပြုနိုင်ရန် အဆင်သင့်ဖြစ်နေပြီး အသုံးဝင်သည့် အက်ပလီကေးရှင်းများ ဖြစ်သည့် အင်္ဂလိပ်စာ သင်ခန်းစာများ၊ စာအုပ်များဖတ်ရှုနိုင်မည့် ဝန်ဇင်း၊ ကျန်းမာရေးစောင့်ရှောက်မှုနှင့် ဖျော်ဖြေရေးဆိုင်ရာ ဆော့ဖ်ဝဲများ အစရှိသည်တို့ကိုပါ ထည့်သွင်းထားပါသည်။ MPT telecenter များသို့ လာရောက်သူများအနေဖြင့် လိုအပ်သည်များကို ကူညီပေးရန်အတွက် ဝန်ထမ်းများလည်းရှိနေကာ ၎င်းတို့ထံတွင် သတင်းအချက်အလက်များ ထပ်မံမေးမြန်းနိုင်မည့်အပြင် လမ်းညွှန်မှုများကိုလည်း ဆောင်ရွက် ပေးသွားမည်ဖြစ်သည်။ အသုံးပြုသူများအနေဖြင့် နီးစပ်ရာ MPT Branded Shops များတွင် MPT telecenter အမှတ်တံဆိပ်ကို ရှာဖွေ ပြီး အသုံးပြုနိုင်မည် ဖြစ်သည်။

MPT telecenter ဖွင့်ထားသည့် နေရာများ
MPT telecenters “150” Locations